Thank fb
🙏🔱💥உங்க வீட்டுல ஒரு கன்னி தெய்வம் இருக்குப்பா!?அதை கையெடுத்துக் கும்பிடு! எல்லாம் சரியாகப் போய்விடும்! என்று சொல்லக் கேட்டிருப்போம்! அந்த கன்னி தெய்வத்தைப் பற்றி பார்ப்போமா!?
🙏🔱💥கன்னி தெய்வ வழிபாடு!
🔱💥ஒரு பெண் இந்த உலகில் தோன்றி மனம் முடிக்காமல் கன்னியாக மறைந்தால்! அவளை வழிபடும் பண்பாடு நம் கிராமங்களில் தொடர்ந்து வருகிறது.
🔱💥பெண்களை தெய்வமாக வழிபடும் வழக்கம் நமது இந்திய தேசத்தில் பழங்காலத்தில் இருந்தே தொன்று தொட்டு நடந்து வருகிறது.
🙏🔱💥சத்தி வழிபாடு என்பது
தாய்வழி வழிபாடுதான்.
🔱💥மிக பிரபலமாக கன்னி தெய்வங்கள் போற்றப்படுவதற்கு பல காரணங்கள் உண்டு.
🔱💥இன்பத்தை கருவாக்கி,உருவாக்கி உலகத்திற்கு வழங்குபவள் பெண். உயிருக்குள் உயிர் சுமந்து மனித குலத்தை விருத்தி அடையச் செய்தவளும் பெண்தான்.
🔱💥இந்த காரணத்தினாலேயே பெண்ணை மகாசத்தியாகப் பார்த்திருக்கிறான் ஆதிமனிதன்.
🔱💥தன்னைவிட பலம் குன்றிய பெண்ணைப் பார்த்து பயந்திருக்கிறான்.
அவளைக் கையெடுத்துக் கும்பிட்டிருக்கிறான்.
🔱💥அந்தப் பழங்கால மரபுக்கும் வரலாறுக்கும் இன்றும் நிலவும் சான்றுதான் தமிழர்களின்.... "கன்னி தெய்வ வழிபாடு".
🔱💥ஒரு பெண் இந்த உலகில் தோன்றி மனம் முடிக்காமல் கன்னியாக மறைந்தால்! அவளை வழிபடும் பண்பாடு நம் கிராமங்களில் தொடர்ந்து வருகிறது.
🔱💥இந்தக் கன்னிகள் பெரும்பாலும் தங்களின் சராசரி வாழ்வைத் தவற விட்டவர்கள்.
அல்லது துச்சமாகத் தூக்கியெறிந்தவர்கள்.
🔱💥கன்னித்தன்மையைக் கொடுத்து தாய்மையைப் பரிசாகப் பெறாமலேயே இறந்தவர்கள்.
🔱💥இதனாலேயே சராசரி பெண்கள் வணங்கும் தெய்வ நிலைக்கு உயர்ந்து விடுகிறார்கள்.
🔱💥சுமங்கலிகள் கன்னி தெய்வங்களை வழிபட்டால்
தாலி பலம் அதிகரிக்கும்.
🔱💥கன்னிப்பெண்களுக்கு விரைவில் திருமணம் யோகம் கைகூடும் என்று பொதுவான நம்பிக்கை இருப்பதாலே கன்னியை வணங்கும் வழக்கம் கிராமத்தில் துவங்கி பட்டணம் வரை தொடர்ந்து வருகிறது.
🔱💥இந்த தெய்வங்களுக்கு ஆடி மற்றும் தை மாதங்களில் சிறப்பான பூசைகள் செய்வது வழக்கம்.
🔱💥பெரும்பாலும் எல்லா நாட்களும் கன்னி தெய்வத்திற்கு ஏற்ற நாளே!.எனவே எந்த நாட்களிலும் வணங்கலாம். மேற்கண்ட மாதங்களில் வணங்க முடியாதவர்கள் தை மாதம் இரண்டாம் நாளில் கன்னிக்கு பூசை வைத்து வணங்குவார்கள்.
🔱💥தங்கள் குலதெய்வத்தினை பங்குனி உத்திரத்தில் வணங்கும் போது கூட மறவாமல் வீட்டில் உள்ள கன்னிகளையும் வணங்கும் வழக்கம் நம் நாட்டில் காணப்படுகிறது.
🔱💥பொதுவாக ஒரு வீட்டின் திசைகளைக் கன்னி மூலை, நெருப்பு மூலை, வாயு மூலை, ஈசான மூலை என பிரித்துக் கூறுவதுண்டு.
🔱💥அதில், வடகிழக்கு மூலை இறைவனுக்குரிய ஈசான மூலை என்றால், தென்மேற்கு மூலை கன்னி தெய்வத்துக்குரிய கன்னி மூலை என தனி மூலை இருப்பதே... கன்னி வழிபாட்டின் முக்கியத்துவத்தினை உணர்த்தும் விதமாக உள்ளது.
🔱💥பெரும்பாலும் இறைவழிபாட்டுக்கு இணையான வழிபாடாக கன்னி தெய்வ வழிபாடுகள் போற்றப்படுகின்றன.
🔱💥தமிழர் குடும்பங்களில் நோயாலோ, விபத்தாலோ மடிந்து விட்ட கன்னியரை தெய்வமாகக் கருதி வணங்குகின்றனர்.
🔱💥குடும்ப ஒற்றுமைக்கு கன்னிதெய்வ வழிபாடு முக்கிய பங்கு வகிக்கிறது.
🔱💥குடும்பத்தில் பலருக்குள் கருத்துவேறுபாடுகள் இருந்தாலும் கூட கன்னிதெய்வத்தை வணங்க அனைவரும் ஒன்றாக கூடிவிட வேண்டும்.
🔱💥இது குடும்பத்தில் எழுதப்படாத சட்டமாகும்.
ஏன்!? என்றால்! குடும்ப ஒற்றுமை தான் கன்னிக்கு மிக பிடிக்கும்.
🔱💥அனைவரும் குடும்பத்தோடு நின்று வணங்கினால் கன்னி தெய்வத்தின் மனம் குளிர்ந்து அருளை வழங்கி விடும்.
🔱💥இறந்த பெண் வயதுக்கு ஏற்ப அவர்களுக்கு உடை எடுத்து வைப்பார்கள்.
🔱💥சிறுமிகளுக்கு அதற்கேற்ற ஆடைகளும், இளம் பெண்ணுக்கு பாவாடை சட்டை தாவணியும், அதை விட பெரிய பெண்ணுக்கு சேலை சட்டையும் வாங்கி வைத்து வணங்குவார்கள்.
🔱💥அந்திக் கருக்கலில் கன்னியை வணங்க துவங்குகிறார்கள்.
🔱💥இளநார்பெட்டி ஒன்றில் மஞ்சள் கிழங்கு, சிற்றாடை அல்லது சேலை, கண்ணாடி, சீப்பு, வளையல் வைத்து, பிச்சிப்பூ அல்லது மரிக்கொழுந்து படைத்து, சாம்பிராணி மணத்தை வீடு முழுவதும் நிரப்பி, முற்றத்தில் நீர் தெளித்து கன்னியை வரவேற்று வழிபடுகிறார்கள்.
🔱💥இந்த நார்ப்பெட்டிக்கு
கன்னிதெய்வப்பெட்டி என்று பெயர்.
🔱💥கன்னிதெய்வப் பெட்டியை வைக்கும்போது பெரும்பாலும் அந்தக் குடும்பத்தில் உள்ள பூப்படைந்த பெண்ணுக்கு அருள் வந்து மூச்சிரைக்கும்.
🔱💥அவரிடம் தங்களது குறைகளை முறையிட்டு தீர்க்குமாறு பணிவோடு
குடும்பத்தினர் வேண்டுவர்.
🔱💥தன்னை மறக்காமல் வழிபட்டால் துயரத்தைப் போக்கி குடும்பத்தை தழைத்தோங்கச் செய்வதாக அவரிடமிருந்து அருள்வாக்கு கும்பிடுபவர்களுக்கு கிடைக்கும்.
🔱💥பின்னர் கன்னி மூலையில் உயரமான இடத்தில் இளநார்பெட்டியை வைத்து விடுவார்கள்.
🔱💥முதலாண்டு வைத்து படைத்த கன்னிதெய்வப் பெட்டியை மறு ஆண்டுதான் எடுப்பார்கள்.
🔱💥கன்னிதெய்வப் பெட்டியை அதிகாலையில் எடுக்கும் போது வீட்டை சுத்தம் செய்வார்கள்.
🔱💥கன்னிதெய்வப் பெட்டியைத் திறக்கும் போது, அதில் கடந்த ஆண்டு வைத்த மஞ்சள் முளை விட்டிருந்தால், கன்னி தெய்வம் துடியாக இருப்பதாக நம்பிக்கை.
🔱💥அதற்குள் வைத்திருந்த துணியை குடும்பத்தில் உள்ள பெண்ணுக்கு உடுத்தக் கொடுப்பார்கள்.
🔱💥இந்தக் கன்னிப் பொங்கல் தமிழகத்தின் பல பகுதிகளில் அவரவர்கள் பாணிக்கு ஏற்ப கொண்டாடப்பட்டு வருகிறது.
🔱💥துணியை தனது வீட்டில் மணமாகாத பெண்ணுக்கு மட்டுமே கொடுக்க வேண்டும்.
🔱💥அவர்கள் திருமணம் முடித்து சென்று விட்டால்வேறு வீட்டுப் பெண். எனவே! அவர்களுக்கு கன்னிக்கு கும்பிட்ட துணி கிடைக்காது.
🔱💥 வீட்டுக்கு வந்த மருமகளுக்கு கன்னிக்கு வணங்கிய துணியை கொடுக்கலாம்.
🔱💥ஏன்? என்றால்! அவர் அந்த குடும்பத்தின் பெண். தனது பொருள் கூட தனது குடும்பத்தில் வசிக்கும் ஒருவருக்கே கிடைக்க வேண்டும் என்று கன்னி தெய்வங்களின் எழுதப்படாத சட்டம்.
🔱💥குடும்ப ஓற்றுமைக்கு இந்த கன்னிதெய்வ வழிபாடு ஒரு சான்றாகும்.
🔱💥இன்றைய நவீன யுகத்தில் ஒவ்வொரு குடும்ப உறுப்பினர்களும் பொருள் தேட திரைகடல் தாண்டி தேடி ஓடி விடுகிறார்கள்.
🔱💥எப்போதாவது கல்யாணம், கோயில், கொடை என்றால் கூட அவர்கள் ஒன்று சேருவது கடினம்.
🔱💥ஆனால்! கன்னி தெய்வ வழிபாடு குடும்ப உறுப்பினர்களை ஒன்று சேர்க்கும் வழிபாடாகும்.
🔱💥குடும்ப உறுப்பினர்கள் அனைவரும் ஒன்றாக அமர்ந்துதான் படையல் தயார் செய்யவேண்டும்.
🔱💥பெரும்பாலும் பனியாரம், அதிரசம் என இனிப்பு பலகாரம் கன்னிதெய்வங்களுக்கு மிகவும் பிடிக்கும்.
🔱💥எனவே படையலில் நிச்சயம் பனியாரம், அதிரசம் என இனிப்பு வகைகள் கண்டிப்பாக இடம் பெறும்.
🔱💥அதன் பின் வடை பாயாசத்துடன் அனைவரும் ஒரே நேரத்தில் அமர்ந்து சாப்பிடுவார்கள்.
🔱💥குடும்ப தலைவி அனைவருக்கும் பரிமாறிவிட்டு தானும் ஒரு இடத்தில் இலையை போட்டு அனைவருடன் அமர்ந்து சாப்பிடுவார்கள்.
🔱💥இந்த சமபந்தி விருந்து கன்னி தெய்வ வழிபாட்டில் மிக முக்கிய பங்கு வகிக்கிறது.
🔱💥இந்த வழிபாட்டிற்காகவே வருடத்துக்கு ஒரு முறை தனது குடும்பத்தினரை ஒன்று சேர்த்துவிடுகிறாள்.
🔱💥உலகத்தில் எந்த மூலையில் இருந்தாலும் உறவை தேடி ஓடி வருகிறார்கள்.
🔱💥பெரும்பாலுமே ஒரு பெண்ணுக்கு எப்போதுமே தான் பிறந்த வீட்டின் மீது பற்று உண்டு.
🔱💥இதுபோன்ற கன்னிதெய்வங்களுக்கும் அதுபோலதான் ஆசை.
🔱💥தன் வீட்டில் அண்ணன், தம்பி என்று உறவு முறைகள் அனைவரும் ஒன்றாக நின்று தம்மை வணங்க வேண்டும்! என ஆசைப்படுவாள்.
🔱💥அப்படி வணங்கும் போது மனம் குளிர்ந்து அவர்களுக்கு வேண்டும் வரம் கொடுப்பாள்.
🔱💥இப்போது பல மாநிலங்களில் வசிப்பவர்கள், தங்கள் இடத்துக்கே கன்னிதெய்வப் பெட்டியை கொண்டு சென்று வைத்து வணங்கி வருகிறார்கள்.
🔱💥பெரும்பாலுமே ஒரு கன்னி ஒரு வீட்டில் துடியாக இருக்கிறார் என்றால் அவ்வீட்டில் செய்வினை கோளாறு நீங்கி விடும். பேய், பிசாசு அண்டாது.
🔱💥நோய் நொடிகள் தீர்ந்து விடும்.
🔱💥பிறந்த குழந்தை திடீர் திடீரென அழுதால் கூட கன்னிதெய்வத்திற்கு பூசை வைக்கவில்லை! என்றும், கன்னி தெய்வம் பயங்காட்டுகிறது என கிராமத்தில் பெரியவர்கள் சொல்லுவதை தற்போதும் காணலாம்.
🔱💥கன்னிதெய்வம் தன் தேவைகளை குழந்தை மூலமாக பூர்த்தி செய்து கொள்கிறது என்றும் சொல்வார்கள்.
🔱💥குழந்தைகளுக்கு கல்வி செல்வம் கிடைக்கவும் கன்னிதெய்வத்தை வணங்கும் வழக்கம் உள்ளது.
🔱💥ஒருவர் தனது வீட்டில் கன்னி தெய்வம் இருந்து அவர்களை வணங்கிவிட்டு வேறு எந்த தெய்வத்தை வணங்கினாலும் சிறப்பு என்பது பெரியோர்களின் பொதுவான கருத்து.
🔱💥கன்னிதெய்வங்களின் கதை பலவாறாகப் பேசப்பட்டு வருகிறது. அதில் பல கதை மனதை உருக்குவதாகவே உள்ளது.
🔱💥ஒரு குடும்பத்தில் தாய்க்கு தலைமகளாய் இருந்த சிறுமி ஒருவர் இறந்து விட்டாள்.
🔱💥வருடம் தோறும் இறந்த அந்த பெண்ணுக்கு பாவடை சட்டை எடுத்து வைத்து கும்பிடுவதை வழக்கமாக கொண்டிருந்தார்கள்.
🔱💥23 வருடங்கள் கழிந்தது.
🔱💥ஒரு நாள் அந்த பெண் தாயின் கனவில் தோன்றி, ‘தாயே.. எனக்கு 23 வயதாகி விட்டது.. இன்னும் எனக்கு பாவடை சட்டைதானா... போதவில்லையே’ என கண்ணீர் மல்க கேட்க அந்த ஆண்டு முதல் அவளுக்கு சேலை சட்டை வாங்கி வைத்து வணங்க ஆரம்பித்தனர்.
🔱💥அந்த அளவுக்கு கன்னிதெய்வம் குடும்பத்தில் ஒரு உறுப்பினராக மறைந்து வாழும் குழந்தையாகவே வணங்கப்படுகிறது.
🔱💥ஒரு வீட்டில் கன்னி தெய்வத்தினை வணங்கவே மறந்து விட்டனர். அவ்வீட்டில் பிறந்த குழந்தை தினமும் இரவு பயந்து அழுது கொண்டே இருந்தது.
🔱💥ஒரு நாள் வைத்தியர் ஒருவர் உங்கள் கன்னி தெய்வத்தை வணங்குங்கள் எல்லாம் சரியாகி விடும் என கூற, கன்னியை வணங்கி கன்னிமூலையில் குழந்தையை கிடத்தி எடுத்த பிறகு அழுகை நின்று விட்டதாம்.
🔱💥இதுபோல் கன்னி தெய்வங்கள் இந்த நவீன காலத்திலும் வழிபடும் தெய்வமாக விளங்கி வருகிறது.
🔱💥பல அற்புதங்களையும் அதிசயங்களையும் செய்து கொண்டிருக்கிறது.
🔱💥தற்போது பனை தொழில்
முழுவதும் குன்றி விட்டது.
🔱💥நார் பெட்டி போன்ற பொருள்கள் காட்சிப் பொருளாக மாறிவிட்டது.
🔱💥நவீன காலத்தில் கன்னிதெய்வ நார் பெட்டி மட்டும் தாயரிக்கும் பணி நடந்து வருகிறது.
🔱💥பல கிராமங்களில் பல வீடுகளில் இந்த நார் பெட்டி
பல வண்ணத்தில் தொங்கி கொண்டிருப்பதை நாம் இப்போதும் காணலாம்.
🔱💥பழமையை பறைசாற்றும் இந்த கன்னி தெய்வ வழிபாடு,
பல வரலாறுகளை சுமந்து கொண்டு தமிழரின் பண்பாட்டை இன்றும் பறைசாற்றிக் கொண்டு தான் இருக்கிறது.
🔱💥இந்துக்களே! இந்துவேத அருளூறு, அமுதத் தெய்வீகத் தமிழில் உங்கள் இல்லத்து மற்றும் தொழில்கூட யாகம், பூசை, இல்லத்து அனைத்து வகையான சமய,சமுதாய விழாக்களுக்கும்,
& கோயில் விழாக்களுக்கும், கோயில் யாகம், பூசைகள், கோயில் குடமுழுக்கு, கோயில் உயிர்ப்பு, புத்துயிர்ப்பு பூசைகளுக்கும் தொடர்புகொள்ள...
சித்தர் திருவாக்கியார் FB
🙏🔱💥🙏🔱💥🙏🔱💥🙏🔱💥🙏
